knodenhe(ne) Jtem zuʃch(e)n knoden hen(ne) vnd ped(er) wolenbern nach anʃprach ant-
ped(er) wol wort vnd beidertheile furbrengűnge / dwile knodenhen(ne) yn
enbere ʃýme zuʃproche furgewant / daß der kauffe ʃonder alle fur-
ʃ(e)n(tent)ia worte geʃcheen vnd nit gancze golt beʃtympt(en) iʃt So ʃpreche(n)
wir züm recht(en) Daß peder wolenbere / knoden henne(n) ýe
eyne(n) gld mit xxiiij alb bezalen ʃall Das ortel hait ped(er)
verbot
Jtem hengin melma(n) hait knoden henne(n) zu geʃproch(e)n wie daß
er vnd ʃin myt erben / ʃyme bruder ʃelig(en) iiij gld ʃchuldig
hengin geweʃt ʃihen / Die ʃint bezalt bijß off ey(n) gld vnd vj alb / die
melma(n) ʃij er ʃchuldig vnd gebe yme des nit das ʃchade yme alʃujl
knode(n)hen(ne) dar zu vnd heiʃt yme des ey(n) Ja ader ney(n) Dar off ʃagt knode(n)
henne er ʃij yme / ader ʃyme bruder nuʃte ʃchuldig geweʃt(en)
dan(n) er ʃij ʃalp dritte an ʃyme bruder ʃelig(en) burge geweʃt(en)
vnd wes yne hengin wider anlange des ʃij er unʃchuldijg
Ddie vnʃcholt iʃt geʃtalt noch hude zu xiiij tag(en) a(m)bo v(er)bot
erk(annt) Jtem dieme(n) clas erk(ennt) henne(n) von eltujl yn eyme maende
werʃchafft zu thűn xj alb gűlt(en) ʃi no(n) p erf(olgt)
Actu(m) off dinʃtag nach dem ʃontage Jubilate
Jtem Barts henne alsuo(n) der kyrchen wegen dut ʃin 4 h off kycze
4 h hanʃen dieme(n) gredgin vnd Jeckel Reyern ut p(ri)ma Dar ynne
rette bußers michel vnd ʃagt die gude ʃtehen zu ʃyne(n) handen vnd
lip vor ʃin yme ʃihe nuʃte verkúnt(en) word(e)n / vnd hait ʃyne(n) lijp vor ʃin
gut geʃtalt(en) gut geʃtalt(en) Des iʃt yne(n) beiden tag geʃtalt(en) an das nehʃte ge
richte das haint ʃie verbot
2 tag Jtem heinrich ʃmett vnd vincze hab(e)n beide yren 2 tag furt(er) ge-
heiʃch(e)n das buch vnd winkauff zu brenge(n) vnd das verbot
2 h Jtem her Johan(n) ʃulczen dut ʃin 2 h off druͦbein ut p(ri)ma
2 h Jtem Lupis cleßgin dut ʃin 2 h off peder meczlern vnd kyczgin
ut p(ri)ma
Actu(m) off ʃamßtag nach dem ʃontage Jubilate
tag v(er)hut(en) Jtem Hans ʃnid(er) hait ʃine(n) tag v(er)huten geigen hans Ramppuʃch(e)n
der vnʃchulde halb(e)n des iʃt yme tag geʃtalt an das nehʃte gericht
2 clage Jtem ped(er) dreʃʃer dut ʃin 2 clage off peder diemen ut p(ri)ma
Zwischen Henne Knode und Peter Wolenberg. Nach Anklage, Entgegnung und beiderseitigem Vorbringen, weil Henne Knode in seiner Anklage vorgebracht hat, dass der Kauf ohne alle Widerworte geschehen sei und nicht Gold bestimmt wurde, sprechen wir als Recht: Dass Peter Wolbenberg Henne Knode je einen Gulden mit 24 Albus bezahlen soll. Das hat Peter festhalten lassen.
Hengin Melman hat Henne Knode angeklagt, dass er und seine Miterben seinem verstorbenen Bruder 4 Gulden schuldig waren. Die sind bezahlt bis auf einen Gulden und 6 Albus. Die sei er schuldig und gebe ihm das nicht. Das schade ihm ebensoviel, und er fordert ein Ja oder Nein. Darauf sagt Henne Knode, er sei ihm oder seinem Bruder nichts schuldig gewesen, denn er sei als Dritter bei seinem verstorbenen Bruder Bürge gewesen. Und wessen ihn Hengin darüber hinaus anklage, dessen sei er unschuldig. Die Unschuld gilt von heute an 14 Tage. Dem haben beide zugestimmt.Clas Diem erkennt an, Henne von Eltville binnen eines Monats eine Sicherheit zu leisten wegen 11 Albus Gülte. Wenn nicht erfolgt die Pfändung.
Dienstag 29. April 1477
Henne Bart erhebt für die Kirche seine 4. Klage gegen Hans Kitz, Gredgin Diem und Jeckel Reyer. In dieser Sache redet Michel Buser und sagt: Die Güter seien in seinem Besitz und ihm sei nichts verkündet worden. Und er hat seinen Leib vor sein Gut gestellt. Deswegen ist ihnen beiden ein Termin gesetzt worden am nächsten Gerichts-tag. Dem haben sie zugestimmt.
Heinrich Schmied und Winß haben beide ihren 2. Tag gefordert, das Buch und die Zeugen des Vertragsabschlusses beizubringen und haben das festhalten lassen.
Herr Johann Sultz erhebt seine 2. Klage gegen Drubein.
Clesgin Lupis erhebt seine 2. Klage gegen Peter Metzler und Kitzgin.
Samstag 3. Mai 1477
Hans Schneider hat seinen Gerichtstag gewahrt gegenüber Hans Rampfuß wegen der Unschuldsvermutung. Deshalb ist ihm ein Termin gesetzt worden am nächsten Ge-richtstag.
Peter Dresser erhebt seine 2. Klage gegen Peter Diem.
Ober-Ingelheimer Haderbuch 1476-1484, Bl. 024v, in: Ingelheimer Haderbücher Online, URL: https://www.haderbuecher.de/baende/1476-1485-ober-ingelheim/blatt/band-5-gw-1490-1501-bl-024v-1/pagination/23/?L=0&cHash=ff9f634dbaf9f89603a7c8361ebb7b64 (Abgerufen am 27.08.2024)